28 верасня гудок казачнага цягніка абвясціў для вучняў 3-га класа школы №60 аб пачатку незвычайнага падарожжа ў краіну “Фальклорыю”, дзе іх чакалі станцыі з цікавымі заданнямі. Адказваючы на загадкі, дзеці стварылі казачную карціну. А на станцыі “Легенды і паданні” школьнікі расказвалі беларускія легенды. І толькі гэта давала магчымасць рухацца цягніку далей…
Цішыня агарнула чытальнаю залу: менавіта ў гэты час хлопчыкі і дзяўчынкі сталі ўдзельнікамі інтэрактыўнага конкурсу. Адны адказвалі на яго пытанні адразу жа, а іншым спратрэбіўся час каб падумаць. Тым не меньш, усе ўдзельнікі гульні паказалі глыбокія веды беларускага фальклору і беларускай мовы.
Паводле практыкі, гульнёвыя моманты ў вывучэнні роднай мовы садзейнічаюць лепшаму яе вывучэнню.