Справа ў тым, што, пачынаючы з 2015 года, часопіс ізноў атрымае сваю ўласную вокладку, адасобіўшысяч ад часопіса “Маладосць”. Прэзентавалі пілотны нумар члены рэдакцыі часопіса, пісьменнікі і паэты Генадзь Аўласенка, Віктар Лупасін і Аксана Ючкавіч. Яны, як ніхто іншыя, памятаюць пра тое, што “Бярозка” – часопіс моладзевы, таму яго прэзентацыя была дынамічнай і, ў некаторых выпадках, нават неспадзяванай. Варта прыгадаць рознакаляровыя папяровыя самалёцікі, якія госці бібліятэкі раз-пораз запускалі ў аўдыторыю!
Падчас прэзентацыі члены рэдакцыі распавядалі пра гісторыю часопіса і праводзілі віктарыну на лепшых знаўцаў беларускай культуры. Пераможцы атрымалі ад “Бярозкі” цукеркі ... “Бярозка”!
Безумоўна, гучалі вершы гасцей бібліятэкі Аасабліва ўразіў чытачоў акраверш Віктара Лупасіна “Перфаратар”. Увогуле ўсё мерапрыемства прайшло ў пазітыўным настроі і, можна лічыць, што прэзентацыя атрымалася паспяховай.