Дзіцячая бібліятэка заўсёды была той установай, што выступае ў абарону духоўных каштоўнасцей чалавецтва. Сярод усiх іншых каштоўнасць чалавечага жыцця – безумоўная. У падцверджанне гэтага на працягу бягучага тыдня ў дзіцячай бібліятэцы адбыўся шэраг лекцый-сустрэч аб шкодзе абортаў пад агульнай назвай “З чаго пачынаецца чалавек”. Дзеля таго, каб абмеркаваць спецыфічныя бакі праблемы абортаў лекцыі праводзіліся для вучняў і вучаніц старэйшых класаў СШ № 105 паасобку.
Лектар-кансультант Ігар Міхайлавіч Якімаў каардынуе праграмы для моладзі “Урокі жыцця” і добра знаёмы з сумнымі прыкладамі таго, як перарваная цяжарнасць губіць лёсы не толькі ненароджаных немаўлят, але і іх бацькоў. Лекцыя, якая насамрэч больш падобная да гутаркі роўных, вельмі ўражвае і не пакідае абыякавых, бо прыклады з жыцця, якія распавядаюцца простымі словамі, аказваюць значна большы ўплыў, чым добра знаёмыя пафасныя словы, што ўжо даўно надакучылі.
Усiх, каго зацікавіла такая форма размовы, бiблiятэка запрашае на лекцыі, што будуць адбывацца на працягу ўсяго года.
