8 верасня бягучага года спецыяльна для ўрачыстага адкрыцця Тыдня ў бібліятэку завітаў знакаміты пісьменнік, рэдактар часопісаў "Вясёлка" і "Буся" Уладзімір Сцяпанавіч Ліпскі.
Падчас сустрэчы яе ўдзельнікі прыгадвалі пра тое, як і калі распачалося святкаванне дня беларускага пісьменства, распавядалі пра мерапрыемствы, што адбываюцца ў дзень святкавання, а таксама пра адметнасці Заслаўя – сталіцы беларускага пісьменства ў гэтым годзе.
Уладзімір Сцяпанавіч распавёў пра свае самыя цікавыя творы, пра свае дзіцячыя ўспаміны і пра тых людзей, якія натхнялі яго на творчасць. Напрыканцы сустрэчы гучалі заклікі развіваць уласныя таленты, каб стаць тым, кім хочацца. Бо, вядома, кожны чалавек таленавіты.
Асабіста ж для супрацоўнікаў дзіцячай бібліятэкі № 6 імя Васіля Віткі тыдзень распачаўся з вельмі прыемай навіны – падчас сустрэчы калектыў бібліятэкі быў узнагароджаны Падзякай за працу з чытачамі часопісаў “Вясёлка” і “Буся”.
Чакаем вас на працягу Тыдня ў дзіцячай бібліятэцы № 6! Спяшаемся запэўніць, што вас чакае шмат цікавага!
